نشر أحمد إبراهيم بوستر أغنية عمرو دياب الجديدة «بطمن عليك» عبر صفحته على فيس بوك وعلق قائلا: «شكرًا يا هضبة على تقديرك الكبير ليا ولموهبتي، لنصايحك وأفكارك ومشاركتك للرؤية الفنية والشكل الموسيقي، ولصوتك وإحساسك المُلهم للإبداع».
وأضاف: «20 سنة قبلك نجحت فيهم بفن من تأثير فنك عليا وعلى جيلي، و3 سنين نجاح بعدك هما الأهم».
وتابع: «الحمد والشكر لله الملك على وجودك وسطنا استفاد منك اللي نافسك واللي انتجلك واللي اتصور معاك واللي اشتغل معاك أو حتى اشتغل في زمنك اتعلم منك حتى اللي بيطلع يهاجمك ويعاديك استفاد واشتهر».
واختتم أحمد إبراهيم رسالته: «بحبك يا هضبة.. كتبت الكلمتين دول في وقت نجاح ساحق عشان الدنيا بتغُر والنماذج الهش كتير».
