الربان وسام هركي يكتب “مجرد رأي”
بعد ما التحقيقات تخلص،
المفروض نبدأ نفكر في حلول جذرية لمشاكل السكك الحديدية في مصر،،،،
بس قبل ما نتكلم عن أي حلول، إحنا محتاجين الأول نعرف المشكلة فين بالضبط بعد ما يتم تطهير شامل لهيئة السكك الحديدية من المتأسلمين ،،،،
و هنا لازم أسئل
ليه ما نجيبش ٤ جهات تفتيش دولية مستقلة و متخصصة من بره ؟
جهتين مختلفين يراجعوا ملف الأمن و السلامة بالكامل و جهتين مختلفين يراجعوا الإدارة و التشغيل.
و كل جهة تشتغل لوحدها،،،،،
بعيد عن أي تدخلات أو ضغوط من مسؤولين أو رجال أعمال أو أي حد ليه مصالح في قطاع النقل من الآخر ،،،،،
مش اقلب اسمع كلام عم خصخصه،،،،،
و بعد كده التقارير الأربعة تتعرض عالرئيس و كلٍ من خلفه من المعنيين و بعدها تعرض علي الشعب و نعرف من المتخصصين نفسهم إيه المشاكل الحقيقية و إيه الحلول المطلوبة.
مش كل ما تحصل حادثه نلاقي إعلاميين طالعين يقولولنا الحل هو الخصخصة!!!!!!
طب ما عندنا سويسرا ،. السكك الحديدية الرئيسية فيها بتديرها شركة حكومية و ناجحة جداً
وعندنا اليابان فيها شركات خاصة بتدير قطارات وناجحة جداً برضه،
يعني النجاح مش مرتبط بكون الإدارة حكومية أو خاصة، النجاح مرتبط بالكفاءة و النظام و المراقبه و المحاسبة
و إحنا ليه أصلاً ما نفكرش إن ولاد البلد هما اللي يديروا المنظومة دي؟؟؟؟
ليه ما ندورش على الكفاءات المصرية اللي شغالة في أكبر شركات السكك الحديدية في العالم و نرجّعهم مصر و نديهم مرتبات محترمة و صلاحيات حقيقية و نستفيد من خبراتهم و الكلام ده عمال اقوله بقالي سنتين بخصوص كل القطاعات و لا حد عايز يسمع ،،،،
و نجيب خبراء من بره يدربوا الكوادر المصرية لو عايزين و نبعت مهندسين و فنيين يتعلموا و يتدربوا في الدول المتقدمة زي اليابان او سويسرا.
أنا بصراحه مش ضد القطاع الخاص و لكن بفضل الإدارة تكون حكومية و ما اخصخش اي حاجه عشان أشتري دماغي
إحنا عايزين نعرف المشكلة الأول و بعدها نختار الحل الصح و الشخصيات الأصح و نبني منظومة و سيستم قوي و آمن يديرها مصريون على أعلى مستوى من الكفاءة و الخبرة و هو ده المطلوب في كل القطاعات و ده اللي بقوله بقالي كتير ،
لان مصر مش هتكبر و لا تتطور و لا ترجع دولة عظمي الا لو عملنا الصح و اختارنا الناس الصح في المكان الصح،،،،،
و ده مش معناه ان اللي يتجاب في المكان الصح يكون دكتور جامعي او حاصل علي شهادة دكتوراه مثلاً، زي د. مجدي يعقوب او د.فاروق الباز او غيرهم دول علماء معروف عنهم العلم و المباديء.
عايزين الإختيارات مش مبنية علي العلم بس،،،،،
لان ياما شفنا دكاتره عندهم علم لكن للاسف منبطحين وبيجروا ورا مصالحهم زي الظهور الاعلامي او اي سبوبه او يدعموا منتحلين،
المقصود ان المباديء و العلم و الخبره مش لازم تكون في الداكاتره الجامعيين فقط و لازم الاختيار يكون مفتوح ، ،،،،
المهم اننا نختار ناس محترمه صاحبه خبره و مباديء و علم (مش علم بس) عشان الإدارة و القيادة تبقا مظبوطه و ترفع من اي قطاع لان رفعه اي قطاع هو رفعه للوطن.
بالنهاية لازم اقول ان اللي كل الإنجازات اللي تمت في البنية التحتية في مصر في قطاع النقل في خلال اخر ١٢ سنه، ما حصلتش في تاريخ مصر كله و لا شفنا تحجم طوير حصل زيه في أي دولة في العالم، زي ما شفنا التطوير اللي في مصر.
كل الدعم و التأيد لمعالي الفريق كامل الوزير و لكل المنظومة اللي إشتغلت و مازالت شغاله خلفه لتطوير و رفعه قطاع النقل و مصر.
و خط طابا العريش هيكمل غصب عن الجميع.
محفوظين مجبورين منصورين بإذن الله و لا عزاء للأعداء و الخونه و الحاقدين و الكارهين و المنبطحين.
#مصر 🇪🇬✌🏾
