المهندس مدحت بركات تعليقًا على توجيهات الرئيس بشأن الانتخابات:أعادت التأكيد على إن مصر دولة قانون

صرح المهندس مدحت بركات تعليقًا على توجيهات السيد الرئيس بشأن الانتخابات
“أنا بصفتي رئيس حزب أبناء مصر، وكمواطن قبل أي شيء، حابب أؤكد إن توجيهات السيد الرئيس عبد الفتاح السيسي النهارده أعادت التأكيد على إن مصر دولة قانون.. دولة بتحترم صوت شعبها.. ودولة لا تقبل أي تجاوز في حق أي مرشح أو ناخب.

الكلمة اللي قالها الرئيس كانت واضحة وصريحة: مفيش حد فوق القانون.. وصوت المصريين هو صاحب الكلمة العليا.
وده في الحقيقة بيدينا إحساس كبير بالثقة.. إن اللي بيحصل في أي دائرة هيتم فحصه ومراجعته بمنتهى الشفافية والحيادية.

إحنا في حزب أبناء مصر بنعلن تأييدنا الكامل للتوجيهات دي، وبنشدّ على إيد الرئيس في كل خطوة هدفها حماية نزاهة الانتخابات، والحفاظ على حق كل مواطن إنه يشوف نتائج حقيقية تعبّر عن إرادته.

وبنقول لكل أعضائنا ومرشحينا:
التزموا بضبط النفس.. التزموا بالقانون.. وثقوا إن الدولة مش هتسمح بغير الحق.

وأخيرًا…
إحنا واقفين مع الدولة ومع القيادة السياسية، وورا كل خطوة بتضمن انتخابات نزيهة تحافظ على صورة مصر قدام العالم.”

مدحت بركات
رئيس حزب أبناء مصر